ايه الفرق بين الكودر العادى اللى بياخد شوية كورسات كده برمجة عن خريج حاسبات ؟

من ضمن الاسئلة اللى الناس بتسألنا كتير عنها الصراحة

لان فيه ناس كتير بتدخل حاسبات جديدة متعرفش ايه الدنيا ولسة الشائعات حول انها كلية بتعلم تصطيب الويندوز لسة وانها معهد وان الواحد ميفرقش عن واحد اخد كورسات

لكن الصراحة عكس كده تماما
انا هتكلم عن الخريج اللى خارج على الاقل فاهم حوالى 70 % من الكورسات اللى اخدها فى الكلية
انا اتكلمت قبل كده من منظور تانى غير اللى هتكلم عنه دلوقتى فى اللينك دهhttp://goo.gl/AQziYO

لكن بعد ما حضرت مع دكتور قالنا على حاجات متخصصة اكتر

الكودر اللى واخد كورس انا مش بقلل منه بس هو بيعرف يكتب كود ماشى وزى الفل تمام ماهو اخد دورة برمجة فى لغة ما وبيحط فى الحسبان فى الكود بتاعه بعض constraints

خريج حاسبات
مش بكبر من نفسى ولا حاجة
انا فى اول سنتين عمال اخد مواد مالهاش علاقة بالقسم بتاعى عامل اخد شوية Database على شوية networks على شوية برمجة مش بس كده لأ انا اخدت 3 كورسات برمجة لل C++ غير ال introduction فى اول تيرم
هتكلم مش على نفسى بس على اى حد بعد ما يكون فهم الحاجات دى كويس
بعد ما يخلص يقدر يشتغل ويعمل مشروع كامل ويراعى حاجات كتير اكتر من اى كودر عادى ليه لانه اتعامل مع برامج كتير فى 4 سنين وعمل بتاع 12 مشروع على الاقل يعنى واشتغل مع تيمز كتير من انواع مختلفة من الناس او ممكن هما نفس الناس

مع كل كورس بياخده او مرة اخد برمجة اخد syntax وفهم شوية دنيا بعد كده بقى علشان يحسن الكود بتاعه اخد ايه ؟
اخد oop مثلا علشان يشتغل objects ويعرف يقسمهم لحاجات كتير علشان يقدر يعدل على الكود لو ظهرله غلط او مثلا العميل قاله عدل على حاجة
بعد كده اخد حاجة اسمها files organization كل اللى هيعمله فى الكورس ده انه عرف ازاى يسجل الداتا على الهارد ديسك بعد ما يخلص علشان الداتاب متضعيش لو شغال مثلا فى صيدلية تعرف ايه اللى عندك وايه الناقص وايه اللى مش ناقص وايه اللى قرب ينتهى وكده ومش بس كده لأ تخزنه بقى بطريقة محدش يعرف يقرأه ويعدل عليه علشان محدش يدخل مثلا على الفايل ويلعب فى الارقام ويسرقنى وده كله ومع الوقت كل شوية طريقته فى كتابة الكود عمالة تتحسن وعمل لنفسه كود ستايل لوحده

بعد كده بقى ياخد حاجة اسمها data structure مثلا يتعلم فيها شوية methods كده علشان يحسن اكتر من الكود بتاعه ويتعلم ازاى يسرع الكود بتاعه علشان العميل مايتب... مايتخنقش لو اشتغل على برنامج مثلا ويستنى بتاع ربع ساعة علشان يفتح وكمان يشوف الميمورى ويحاول يستخدم اقل حاجة منها علشان الجهاز ذات نفسه ميكونش بطئ منك ولا حاجة وتحاول كل ده ومع الوقت بتتعمل اساليب اكتر ومع السيرش طوال ال 4 سنين بتتعلم ازاى تبحث وازاى تجيب المواقع المحددة وازاى تتعامل مع جوجل وتستخدم الtools علشان توصل لاحسن نتيجة بحث فى اقل من .0000000001 ثانية
وكمان تكون كونت list على اليوتيوب بالقنوات اللى كنت بتنزل من عليها الكورسات وكمان تتعلم ازاى تتعلم مع نفسك عن طريق النت لان الدكاترة مش بتقول كل حاجة بس فى الامتحان حاجة تانية خالص ده غير كل الماتيرال اللى بتجمعها طول ال 4 سنين دى والكورسات اللى انت ملكش دعوة بيها ممكن تفكر لو تتعلمها من الاول وجديد هيكون سهل عليك شوية عن اى حد جديد

غير انك خلاص بيكون ليك نظرة من فوق انك لما تبدأ تعمل مشروع تبدأ ازاى وتقسم الشغل ازاى و تعمل حاجة محترفة كده نوعا ما

وبعد كده يقولك بنصطب ويندوز اها يعم احنا بنسطب لينكس لو تعرف تصطبه ياسطى يبقى ليك الكلام

#الكلية_مش_بتدى_كل_حاجة
#طالب_الحاسبات_المتوسط_نوعا_ما

How to Write a Great Code :)

Good programmers write great code. Great programmers reuse the great code of good programmers

it's a very important point that every programmer must take it in his/her consideration 

how to write a good code to be readable whenever u return to it 

i read a tutorial about this and i write a brief about it plz read and share to the interesting people 

why you need to

use a consistent style when coding programs:

• It will make your program more readable, both for you and for others.

• It will help prevent programming bugs, and make debugging easier.

• It will prepare you for professional programming where your employer will

most likely be using a coding standard, and you will be expected to follow it.

variables : 

name the var with it's content like i want to store my name in var so if i name 

it X and after a period i look for X and i don't know that it is so it is better to 

name if firstName i know that when u write u want to write fast as X is 1 letter and 

firstName is 9 letters but this will affect later when u return to this code again to 

understand it or u can use abbreviations like _1stName or any thing u know.

 to distinct between 2 words u must write the all the first word in lower case and the first 

letter of the second word in upper letter like  minValue.

if u want to make fn make sure that it's name is what it do like if i want to make fn to add 

nums write the name like addNums or i want to calculate the revenue write it like 

 calculateRevenue  

know we will talk about curly braces in if statement there exist 2 kind of people 

 

the open the curly braces in a new line of in the same line 

personally i open it in a new line as if i delete one braces by mistake i can 

see where it's by codeblocks in c++ as i when stop on the any one if it's the opining one or the closing one 

it highlight both so i can detect where i should the missing one 

about levels of code in nested loops or anything else u must make it separated in levels and don't make it 

at the same level like this

and the last thing that will really help u to reuse ur old code if u write it 50 years ago 

it's 

comments 

  it is the way to know why u write this loop or why u write this condition  i don't said to u that every line of code write a comment on it no  said that if u hesitate that  u won't remember what this line doing after u close the code u must write it beside the line . 

if u want to become a  great coder u must choose ur own style that u will write the code with it so u can ur code whenever u open it 

remember  

Good programmers write great code. Great programmers reuse the great code of good programmers

quote from MG_Freelncer 

share it if u benefit from it 

وان ليس للانسان الا ما سعى :)

طب قريت العنوان ماشى !

فكرت فيه ؟ بصيت على التورية اللى فيه  ؟ بصيت على الحكمة ورائها قكرت مع نفسك كده يعنى ايه الجملة دى ماهو لازم مش كل حاجة تقرأها تعديها كده لأ لازم تتفكر علشان تعلى تفكيرك وتعرف الخبايا وراء الكلام

انا هتكلم عن التخصص بتاعى وهىى هيبقى عام شوية يعنى ممكن اى تخصص مقارب ليه ينفع بس علشان ناس كتير بتسأل

#انا_فى_حاسبات وناس كتير لحد دلوقتى بتفكتر انى ف معهد ب 50% انى معنيدش مشاكل انهم يفتكروا اللى يفتكروه بس فيه ناس كتير بتضايق من كده وانا مش منهم فساعات بس بوضح للناس انى انا داخل الكلية ب 94% وفرقت عن هندسة بدرجتين ومش زعلان انى مدخلتيش هندسة

المهم بقى كل الاسئلة اللى بتيجلنا هل بعد ما هتخرج هتساوى ببتاع المعهد ( على اساس انه مش انسان يعنى :\ ) هل هتساوى بالجامعات الخاصة ؟ هل لو اى حد اخد كورسات يقدر يبقى زيى ؟؟

الاجابة كبيرة جدا لانها بتبقى على حسب حاجات كتير انا هقولهم باللى افتكره

خلينا ناخد مثال كده بسيط اقل حاجة انا بحب العب بلاسيتشين تمام ؟ تمام انا بلعب كل اد ايه بقى انا بلعب كل اسبوع كل شهر على حسب ما تفرج ومع الوقت بتقدم تقدم غير ملحوظ يعنى بس على الفترات البعيدة بيتلاحظ  انا بلعب بقالى اكتر من 6 سنين بلعب تمام

فيه واحد بقى مخدش محو الامية لسة وبدأ يتعلم فى خلال السنة دى وعنده ارادة انه يوصل للاحترافية علشان يدخل مسابقات عالمية وكده وبقى بيتدرب يوميا على الله لمدة سنة وانا فى نفس ذات السنة دى كنت بلعب كل اسبوع

تفكتروا هو ممكن يوصل لمستويا ؟؟ 

الاجابة من غير تفكير انه فيه احتمال 100% يعدينى اصلا ويوصل للمستوى انا مش هوصل غير كمان كام سنة لو انا فضلت ماشى على نفس الطريقة .

تمام نجى بقى على ارض الواقع بالنسبة للكلية ناخد مثال واحد فاشل فى الكلية وبيعدى فى المواد بالعافية والمشاريع فيه ناس بتعملها بداله وفى الاسايمنتات فيه ناس بتحل جزء صغير وتكبيير اللى معاها ده لما يطلع من الكلية هيلاقى شغل الله واعلم

طب تقارنه بواحد داخل معهد سنتين ودخل سخن على المعهد اتعرف على واحد شغال فى المجال واتبع خطاه و بقى بيدرس الكورسات التعبانة بتاعت المعهد وفى نفس الوقت بقى بيدرس مع نفسه للمجال اللى بيحبه على النت من جامعات عالمية على مواقع الكورسات اللى مالية الدنيا واكتر من الهم على القلب وكمان لو عاوز تشترى شهادة هتشتريها بس من غير مجهود هتاخد زيرو لانهم بيعملوا اسايمنات وحاجات زى كده

تفتكروا الاتنين دول بقى راحوا يقدموا على نفس الوظيفة فى اى مكان خاص ؟

انا كصاحب عمل هعمل ايه هعمل انترفيو للاتنين بتاع الكلية هيفضل يهرى فى اى حاجة لانه اصلا مش عارف هو اخد ايه ولو عطته امتحان فى اى حاجة هيبقى ضايع فى المقابل بقى ايه عندك واحد فى المعهد اه بس دور مع نفسه واشتغل على نفسه وبقى زى الفل وكل سؤال تقنى بقى بيجاوب عليه اصله كان واخد الكورس ده من جامعة هارفرد من على النت

انا كصاحب عمل عايز واحد يخلصى الشغل مش واحد اديله الشغل ولسة هيتعلم من اول وجديد وهيتعلم ببئ اصله متعلمش ازاى يتعلم من على النت


طب خلينا بقى فى المثال الجيد انا فى الكلية تمام فى اول سنتين كده باخد الاساسيات بتاعت الاربع اقسام تمام واخر سنتين باخد قسمين قسم رئيس وقسم فرعى
انا بقى كطالب فى الكلية بعمل ايه بتعمل الكورسات من الكلية وبطبق فى الكلية والاسايمنتات الكتير معظمها بعملها بنفسى بسأل الاكبر منى بسأل جوجل صديق الفلاح على طول لدرجة انه بقى الموقع الرسم اللى عليه بيفتح كروما كل اللى بيقع منى فى كورسات الكلية بشوف كورس على النت و اتفرج على اللى وقع منى وااكمل الطريق خلاص اتخصصت اكتر فى قسم عرفت عنه اكتر بقيت ابحث مع نفسى فى الاجازة الدكتور نزل تدريب صيفى وعايز ناس كويسين قدمت فيه واتقبلت وعرفت ناس اكتر عرفت الشغل ماشى ازاى وعرفت انا شغلى مرتبط بايه عرفت انا هتعلم ايه من مجال ايه تانى علشان يفيدنى فى شغلى اتعلمت بقيت اى tool جديد اقدر اتعلمها فى خلال اسبوعين

خلينا بقى نقارن طالب الكلية المجتهد بطالب المعهد المجتهد ؟

تمام اولا مواد الكلية بتبقى اتقل من مواد المعهد على حسب المواد اللى عرفتها بتتاخد فى المعاهد تمام بتاع الكلية لو اجتهد بيبقى احسن واحد فى مجاله لانه مش بيبقى عارف مجال واحد بس لأ بيبقى عارف اساسيات من المجالات التانية بيبقى فاهم على الاقل الدنيا ماشية ازاى ويقدر يتعامل فى اى مجال بس هو هيكمل نفسه بالكورسات اللازمة فى المجال اللى هيدخله لانه متعلم الاساسيات


طب طالب المعهد او واحد فى تجازة واتعلم تفتكر ممكن يوصل لبتوع الكلية اه ممكن يوصل عادى جدا بس ادرس اللى درسه فى ال4 سنين واعرف عن المواد اللى اخدها اكتر وشوف انت هتدوس في ايه وخد الكورسات واتعلم اكاديمى ووظيفى لان فيه ناس كتير بتتعلم ايه اللى هيعمله بايده بس ودى بتبقى مشكلة كبيرة لانه فى اوقات كتير لازم يرجع علشان يشوف تأثيره ده ايه لو عمل ايه وايه اللى بيحصل فى الميمورى والجو ده بيضطر انه يرجع يقرأ الجزء الأكاديمى من اول وجديد ويعرف اكتر

بس الفرق بتاع الكلية انه لو استغل الموارد البشرية المخصصة لخدمته زى الدكتور والمعيد والزمايل ده هيوصل لابعد ما يكون من الاحترافية لانها مش بتبقى متوفرة لطالب التجارة اللى شغال developer طالب الكلية المفروض يعنى بيكون المكان مهيئ بالكامل اينعم مش كل الدكاترة والمعيدين بيكون حلوين بس فيه ناس فعلا بتساعد على قد ما تقدر وده اللى بيفرق انك ممكن تسأل اكتر من معيد فاهمين او حتى تقدر تسأل الدكتور ذات نفسه " بعض الدكاترة " وتقدر تعرف اكترو تلاقى ناس ترشدك لحاجات انت لو اشتغلت مع نفسك ممكن متوصلهاش لاننا بنقوم على تبادل المعرفة والخبرة اعرف اكتر هتستفاد اكتر

المكان مهيئ استغل الفرصة هتوصل للى انت عاوزه باذن الله فيه ناس كتير كانت تتمنى انها تبقى فى مكانك مش بس لطبة الكلية لأ لطلبة الجامعات الخاصة برده ساعدوا بعض متخبيش حاجة لانك لما تديها لحد هتكبر مش هتقل من عندك


كل اللى هتعمله انك لو عاوز توصل هتوصل ان شاء الله خطط كويس وحدد انت عايز ايه واعرف عنه كل حاجة
" اعرف شئ عن كل شئ واعرف كل شئ عن شئ "
" هل يستوى الذين يعلمون والذين لا يعلمون ؟ "
متقعدش فاضى كده فى اى وقت شايفه فاضى اعملك اى حاجة مفيدة تنفعك اقرأ مقالات عن حاجة بتحبها اقرأ كتب شوف افلام motivational وبين كل حاجة وحاجة كده خصص بتاع ساعة ونص تتعلم حاجة جديدة من على النت مش كل حياتك على الفيس بوك اعمل بلوج واكتب عن اللى تعرفه ونزله للناس اعمل سيرش على الحاجات الجديدة اللى نزلت وافهم الموضوع واشرحه بالعربى للناس على البلوج اتعلم حاجة تديك skills مش لازم كل حاجة تتعلمها تبقى فى المجال بتاعك بس لأ اتعرف على المجالات الاخرى واتعرف عن الحاجات العامة اللى تقدر تفيدك بعد كده

اقل حاجة ممكن يتعلمها اى شخص هو الفوتو شوب اتعلمه علشان تعرف تعمل edit على الصور فى الاول بعد كده لو عجبك وبتعرف تعمل ديزاينات اتعلمه ودوس فيه وممكن تشتغل ديزاين ودى مالهاش علاقة باى كلية اهم حاجة انك تتعلم علشان انت عايز تتعلم
اتعلم حاجة تفيدك وحدد طريقك اللى هتمشى فيه واتعلم كل حاجة فيه مش كل اتجاه يظهرلك تتعلم فيه حاجات فى الاول وكل شوية تزهق ومتكملش شوف ايه الحاجات اللى تقدر تمشى فيها واعرف انت تقدر تكمل فيه ولا لأ واتكل على الله ودوس فيه وان شاء الله ربنا هيوفقك " ان الله لا يضيع اجر من احسن عملا "

فكرة انك ملكش لازمة دى ومش عارف نقابة ايه واحنا مالناش نقابة متشغلش نفسك بالحاجات الفرعية دى لانها مش اساسية اللى عاوز يتناقش معايا فى موضوع النقابة ده ممكن يكلمنى على اكونتى الشخصى على الفيس بوك

If you have a dream you  must work for it
else
make a dream


" وان ليس للانسان الا ما سعى "

كونتست او Contest !!

ايه ياعم كلمة كونتست دى اللى قرفنا بيها كل شوية دى  -_- ؟؟

قبل ما تكمل قراية انت قريت  المقال ده

- ايه ياعم استهدى بالله كده و انا ارسيك على الحوار كله انت تعرف اى لغة برمجة ؟؟

- اه ياعم اعرف C++ 

- مش مهم انهو لغة برمجة تعرفها المهم انك تعرف تبرمج ؟

- ايوا يعم

- طب انا هديلك لينك مسألة على online judge علشان نشوف اذا كنت تعرف تحلها ولا لأ

-طيب ياعم هات ؟

( بعدها بحوالى ساعتين )

-ايه ياعم احنا متفقناش على كده ؟

- ايه ياعم انا عملتلك ايه انا كل اللى عطتوهلك كان لينك مسألة سهلة

- ايوا ياعم ماهى دى المشكلة يعم لقيته كله كلام انجيلزى كده وفضل يرغى ومش عارف احل حاجة حسيت انى حمار

- ده فى الاول بس يعم بس بعد كده هتتعللم يعم اومال لما تدخل كونتست بقى يعم كنت عملت ايه ؟

- المهم دلوقتى فى المقال اللى فاتت اللى فى اول المقالة دى فيه لينك للمواقع والجو ده والحل انا دلوقتى هقولك على الكونتست دى هى ايه

-هى عبارة عن مجموعة من المسائل بتتحل فى زمن معين وبتدرج فى الصعوبة

- ماهى سهلة ايه اومال ايه :\

- اه هو انا قولت انها صعبة بس انت كنت تعرف ده -_- كنت بحثت وشفت المهم بقى المواقع المشهورة بالكونتست دول هما codeforces و TopCoder تمام وعلى اساس بقى انت عملت ايه فى المسائل دى بيبقى ليك rate بيعلى كل لما تحلى اكتر واسرع وبيقل بالعكس يعنى و بيبقى ليك لون معين من الرمادى لحد الاحمر انا مش عارف مين على TC هو احمر دلوقتى بس اللى اعرفه ان البشمهندس احمد على مهندس البرمجيات بجوجل وصل للاحمر قبل كده على TC وحاليا فيه واحد اسمه محمد رضوان على مأظن هو الاحمر بس على CF وكمان الاحمر ده مش اى حد بيوصلوه لأ دول 2% بس من الكودر بيوصلوله انت لو وصلت للاحمر بيبقى انجاز على فكرة مش أى حاجة

لأن علشان توصل لده ده مش ساهل بس الكونتست بتخليك تفكر اسرع وتكود اكتر وتعرف تبحث ازى اسرع وحاجات كتير لانك بتكون محدود بوقت فبتحاول تعمل كل اللى عندك علشان تعلى فى rate

بس مش فاكر فيه حاجة تانية ولا لأ :\

كان نفسى فى هندسة :( بس جاتلى !!!! حاسبات :(

طب وايه اللى يزعل فى كده على الاقل انت بدل ما هتاخد هندسة فى 5 سنين هتاخدها فى 4 بس وبدل ماهتحتار تدخل قسم ايه من اول سنة هيبقى قدامك سنتين وبدل مهتدرس مواد كل الاقسام : مدنى ومعمارى واتصالات وفيزيا وبترول وحاسبات هتدرس software بس وبدل ما هتلبس 3 سنين جيش احتمال كبير ان شاء الله يبقى سنة واحدة بس بالنسبة للشباب يعنى

شفت كل الفرق ده مابينا وبينهم ولسة اكتر على فكرة انت كان نفسك تطلع معمارى احنا عندنا معمارى برده ومدنى وكل حاجة حتى البترول

ازاى يا جدع ؟

اهو اللى حصل ياعم انت لما تحب تشتغل معمارى على مشروع كبير بتعمل ايه مش محتاج تحدد الميزانية بتاعتك وتشوف هتجيب كام عامل وكده اها تمام انت اكيد مش لسة هتشوف هما هيكلفوا كام والجو ده انت هيطلب منك تعملى برنامج يعملى الكلام ده كله ويدينى افارج ونا اقدر اجيب كام عامل كذا وكام كذا و هيبقى معايا كام باقى علشان اقدر اجيب بيهم مواد خام وكده مين هيعمل البرنامج ده خريج هندسة لأ طبعا خريج حاسبات ويعمله فى ساعة ونص وهو قاعد على اللاب بتاعه فى التكيف واريح من المهندس وهو قاعد يلف ويدور على العمال علشان يشتغلوا 

طب وشركة البترول دى مش هتحتاج مثلا تعرف عندها كام موظف فى كل قسم ولو فيه عجز او فيه زيادة مثلا فى الموازنة او فى الموظفين مين هيعملها قاعدة البيانات دى خريج هندسة برده ولا حاسبات ( حاسبات طبعا انت بتتكلم فى ايه ؟ ) 

طب لو الشركة فكرة تعمل ليها موقع على الانترنت هتجيب مهندس ولا هتجيب من حاسبات ( حاسبات طبعا )

طب لو الشركة كانت مقرها كبير جدا وحبت توصل نت للمقر كله هتعمل كده وخلا اكيد مش هتجيب وائل بتاع النت لأ دى هتجيب خبير الشبكات علشان يكون عارف هو بيعمل ايه ويعملها شبكة نت 

مش مهم بعد كل ده لسة زعلان علشان كان نفسك فى هندسة ؟
انت لو فضلت زعلان هتستفاد حاجة ؟ لو دخلت هندسة خاصة مش هيكون عبء على ابوك ( لو من ذوى الدخول المتوسطة  زي وزيك واغلب الناس ) طب متأكد لو خرجت هتلاقى شغل 

اها انت جيت على النقطة الحاسسة يعنى انا لو دخلت حاسبات هلاقى شغل ؟؟

يوووه انت شكلك متعرفيش خريج حاسبات يا جدع انت 

انت تعرف ان كل مؤسسة فى مصر لازم يكون فيها كتير من حاسبات فيهم كل تخصص من حاسبات يقدر يشتغل فى نفس الشركة وكل الشركات بتحتاجه 

(انا لسة بحاول اعمل مقالة اجمع فيها كل الشغل اللى يقدر يشتغله خريج حاسب فى العالم الخارجى وكوكب مصر ) 

وعلى فكرة فيه ميزة فى الكلية اننا بنتعلم من كتب عالمية مش كتب استاذة الكلية بتاعتك هما اللى حاطينه (مع عدم التقليل منهم طبعا ) 

وفيه منهم اللى يقولك اللى مش هيشترى الكتاب مش هينجح احنا عندنا بقى الكتب موجود Hard copy (Original , high copy , copy ,) ولو مش بتحب تذاكر من النسخ الهارد فيه سوفت كوبى الحلال منه والحرام يعنى ممكن تشتريه او تنزله من غير ما تشتريه من على موقع تانى مثلا 

وغير كده مش هتلاقى ملازم ورق غير كل فين و فين وهتستريح من استغلال المكتبات فى اوقات الامتحانات احتمال كبير تلاقى نسخ من الملازم دى مكتوبة مثلا على النت وكده واحتمال جروب الدفعة يبقى فيه الحاجاات دى

( اوعى تفتح جروب الدفعة  ليلة الامتحان هتندم صدقنى هتشوف بنفسك  =D )

خلاص خلصنا من حكاية الكتب الكتب 

من اهم الميزات اللى عندنا هنا فى الكلية ومش موجودة فى اى كلية تانية انك ممكن تطلع من قسم وتشتغل شغلانة قسم تانى مش بتاعك

شفت ازاى 

انت لو فى تجارة خريج محاسبة تعرف تشغتل ادارة اعمال ؟

لو فى السن اداب عربى ينفع تقلب اداب انجيزى ؟

لو فى هندسة لو فيزيا ينفع تقلب اتصلات ؟ 

لو فى هندسة لو مدنى ينفع تقلب حاسبات بتاعتنا ؟  اه

لو فى زراعة ينفع تقلب حاسبات بتاعتنا ؟ اه 

المجال بتاعنا مفتوح واى حد يقدر يدخل ويخرج بس اللى يميز خريج حاسبات انه فى الكلية بياخد من كل فليم اغنية فى اول سنتين بيعرف عن الاقسام المختلفة وبيدرس منها حاجاات علشان كده انت تقدر تشتغل اى حاجة تبع software بتاعنا انت بتخرج من الكلية عارف الاساسيات بتاعت الكلية فبيبقى سهل جدا انك تدخل فى شغل القسم التانى وممكن تشتغل فيه علشان كده اى حد فى حاسبات لو طلع منها كويس فى المجال ده لو جامد فيه جدا بيتخطف بره على طول لو متوسط بيبقى هنا لو تحت خالص مكانه قهوة الفيشاوى على اول الشارع وده مقر ناس كتير 

ناس بتحب تروح تروش فى الجامعة يعرف دى ويعرف دى يشيل المواد ولا يهمه رايح فين رايح الجامعة جاى من فين جاى من الجامعة لكن مفيش اى استفادة فعلية من الجامعة كل اللى اخده من الجامعة شهادة مالهاش اى تلاتين لازمة لان اى صاحب شركة بيبقى عاوز واحد يخلص الشغل مش عايز واحد يجى يعلق السكرتيرة منه 

هتقولى الجامعة زبالى ومش بستفاد منها خالص والتعليم بايظ هقولك مش لوحدك على فكرة كل الجامعات فيها الحلو والوحش انا اهو رحت جامعة القاهرة علشان ليها اسم والجو ده وعلشان بيقولوا معتمدة عالميا اخر واحدة فى اول 500 -_- وكان قدامى حل من الاتنين ياما اسماعيلية علشان اقربلى ياما بنى سويف علشان بلدى التانية وكانت اول دفعة ولو شيدت حيلى ممكن اتعين معيد وكده بس انا فضلت القاهرة كاسم واهو 

نسبة كبيرة من الدكاترة متعقدين فى حياتهم وبيطعلوا العقد دى علينا اه والله واللى ماشى يشيل الناس المادة مش عارف ليه  " اصله بيبحب يشيل الناس " وفيه ناس بتوصلك المعلومة وتقولها لو سمحت عيد الحتة دى يعيد اما التانى ايه انت مكنتش مركز لما شرحته ولا ايه ويعيدلك بس بعديها بس يفضل يستقصدك طول المحاضرة علشان يوقعك ويبينلك انك مش مركز -_-

وفيه برده الحلو والصراحة اقسم بالله بيطلعك مفحوت من الكورس ده بس بيعلمك الكورس صح وتطلع فاهم فيه وكمان الاسيمنتات بتاعته بتبقى بروجتكات اصلا وبيعلمك ازاى تتعامل فى تيم وكده وفى الدكاترة اللى بيبجى قبل المحاضرة فى مواعيدها وتحبب الطلبة فى المادة وفى القسم بتاع المادة بس ونفس النظام فى المعيدين بس دول اغلب الاوقات بيكونوا متعاونين معاك نظرا لفرق السن البسيط اللى بينا وبينهم ودول يعتبر احسن حاجة فى الكلية لانك لو احتجت حاجة بتروحلهم فى دكاتره بقى بتقولهم متشروحش حاجة انا مش عارف دول ايه والله الصراحة 

دى حاجات بسيطة بس يعنى كل كورس مش بفهم من الدكتور بتاعه اشيل المادة بقى بتاعته ليه ياعم والمدينة الحل ايه ؟
المعيدين بيشرحوا فهمت اروح اطبق

طب لو مفهمتيش اعمل ايه بقى يا حدق ؟؟

الانترنت لا دين له !! 

بدل المعيد هتلاقى مليون بدل الفديو هتلاقى ديشليون بدل الدكتور هتلا حاجة اكبر من الديشليون ودى حاجة ميزة كويسة يتاعتنا اننا لو درونا على اى حاجة فى مجالنا هنلاقى بلاوى وناس عالمين اصلا وفيه مواقع اصلا متخصصة فى الكورسات ودكاترة فى جامعات بره هما اللى بيشرحوا زى اكاديمى خان وكورسا وهكذ هنبقى نجبهم فى مدونة تانية ان شاء الله 

وغير كده انت ممكن تسأل اى حد من الدفعة اللى قبلك على لينك كورس كويس هيدولك  لينك و احتمال كبير لو الكورس كان جامد فحت هتلاقيهم لسة محتفظين بيه على اللاب يعنى مش هتغلب صدقنى و ده من ناحية الدراسة \

بالنسبة برده للشغل ده مفيش اكتر منه على فكرة كل اللى عليك انك تحدد مجال تكون حابه علشان تبدع فيه تفضل تطور نفسك فيه و ساعتها بقى تقدر تشتغل وانت فى الكلية ؟؟

اشتغل وانا فى الكلية ؟؟ 

انت يابنى مسمعتيش عن حاجة اسمها Freelancering ؟؟ 

ايه يابنى ده اى حد يقدر يشتغل من  بيته شفت بقى يعنى انا مثلا عايز موقع بس مش فاتح شركة انا عايز موقع لشغلى انا شغال نقاش اعمل ايه ادخل اى موقع من مواقع الفرى لانسر واطلب موقع بكل المواصفات اللى نا عايزها هيتقدملى كذا واحد ( حاسبات مش حاسبات مش هتفرق معايا المهم يقدر يعمل الموقع ) اعملهم انترفيو على سكايب واختار منهم احسنهم بالنسبة لى او لو مستعجل اختار اقل واحد هياخد وقت وبكده الراجل اللى هيعمل الموقع ده فر لانسر يعنى عمل حر اى عمل يقدر يشتغل فيه ويقدر ياخد كذا وظيفة فى نفس الوقت والشغل كله بيتسلم اون لاين ومبشفش الراجل وجها لوجه خالص مالص

اسمع الحوار ده 

حوار مع البشمهندس مصطفى سعد : معيد بحاسبات القاهرة عن الفرى لانس
 

ها خريج هندسة قسم معمارى يقدر يشتغل كده او اتصالات او فيزيا او حتى حاسب ؟
على فكرة قسم حاسبات فى هندسة غير حاسبات ذات نفسها هما تعاملهم مع الهارد وير اكتر وبياخدوا اللى يقدر يفيدهم فى السوفت وير مش كل شغلهم سوفت وير زينا يعنى كده 

وارجع واقول ان الشغل كتير بس اهم حاجة تكون متكمن من الحاجة اللى بتعملها للسوفت وير لان انا كشركة لو ملقتيش فى مصر ناس يتشغلوا عندى على ارض الواقع هلجأ لمواقع الفرى لانس وناس عالمين كمان يشتغلوا عندى 

يالتوفيق ان شاء الله واهم حاجة تحدد المجال اللى هتمشى فيه انا مش بقولك من اول سنة ولا من تانى سنة هقولك فكر فيه فى السنتين دول وشوف ان هتقدر تمشى فى وايه ومش هتقدر تمشى فى ايه علشان تقدر يكون عندك معلومات كافية عن المجال علشان تخرج لسوق العمل لان فى سوق العمل انت مش هتلاقى وقت تتعلم اد ماهتلاقى فى الكلية الكلية مرحلة التعليم وبيكون عندك وقت فاضى كتير ادخل اقرا اى حااجة جديدة فى مواقع التقنية او حد يبجبلك لينك عن حاجة جديدة 

Follow on Facebook

السؤال المستمر ايه الاقسام اللى فى الكلية دى ؟

ناس كتير من اللى لسة داخلين الكلية جديد بيسألونا اسئلة كتيرة زى
ايه الاقسام الموجودة فى كليتى ؟؟
ايه احسن قسم ؟
ايه القسم ده وايه القسم ده ؟
هو انا لو خرجت من القسم ده اشتغل ايه ؟

المفروض ان فى اى كلية من الكليات بتبقى فى سنة تالتة بيبقى التخصص يعنى انت هتفضل فى الكلية على الاقل بتدرس عام او التخصص من سنة رابعة زى فى اسيوط كده يعنى هتدرس 3 سنين فى عام يعنى انت هتعرف الدنيا ماشية ازاى

انت قبل ما تتخص ممكن تسأل الاسئلة دى وعلشام كده احنا كنا عاملين حملة على الفيس نعرف الناس بالاقسام اسمها
#انا_فى_حاسبات من هنا

انت بتبقى عايز تدخل IT  بس لسة ماخدتش اى مواد منها فمتعرفش عنه اى حاجة فانت دلوقتى متقدرش تحكم على نفسك اذا كنت هتدخله او لأ لما بتاخد مواد الاقسام كلها بتعرف الدنيا فيها ايه وبتشوف ايه المواد اللى انت ماشي فيها اكتر وبتدخل القسم اللى انت شايف نفسك فيه وهتقدر تأدى فيه عن اى قسم تانى

كل اللى هتحاجته وانت داخل انك تحاول تسرع من سرعة قراية الانجيلزى بتاعتك علشان تقدر تحصل اكترفى وقت اكتر و انت مع الوقت هتقدر تعمل ده بس كل يوم كده ادخل  Computer_science wikipedia واقرا عن علوم الحاسب انت كده هتقوى من الانجيلزى بتاعك وفى نفس الوقت تعرف عن المجال بتاعنا اكتر واحسن حاجة فى اللينك ده انك ممكن تدخل لالاف الموضوعات من اللينك ده لان كل صفحة بيكون فيها كمية لينكات خاصة بنفس المجال ده ومنها تعرف اكتر لو عايز تتعمق فى حاجة يعنى وتعرف اكتر

فى التاب اللى جنب التاب دى افتح translate واى جملة مش عارفها حطها هنا انت مع الوقت هتعرف تترجم الكلمة من سياق الجملة بتاعتها


كل الناس الى جاية تدخل تسأل عن قسم IT لأنه اسم وكل اللى داخل الكلية بيبقى مفكر انه احسن قسم
اقرا المقالة دى من  هنا

كل الاسئلة دى مش هى المفروض تسألها المفروض تسأل اسئلة عن النظام فى الكلية فى الاول او ايه اللى هتحتاجه فى اول ترم
ممكن تقرأ المقالة من هنا

بالتوفيق ان شاء الله
  الصفحة  أكونتى توتيرى لينكد إنى

ايه افضل قسم ؟؟

فيه ناس كتير بتسألنا ايه هو احسن قسم موجود 

زى مثلا بتقولى انه الاحسن photoshop ولا Adobe after effect

انت بتقارن الاقسام ده على اساس يعنى وحتى ماظنش انك تقدر تقارن بينهم لانهم مش نفس الحاجة يعنى علشان تقدر تقارن بينهم 

فانت الحاجات اللى ممكن تقارن بيها كالاتى

القسم ده هقدر امشى فيه ولا لأ وده بتقرر على اساس المواد اللى اخدتها قبل كده من القسم

القسم ده هتتعلم فيه ايه ؟؟

القسم ده هقدر ابدع فيه علشان بحبه  ولا ايه الدنيا ؟؟

 ركز على اهم حاجة مش تمسك فى الحاجات التافهة وتاخدها حل ليك زى  

اصحابى داخلين قسم ايه ؟

اصحابك مش هيحددوا مستقبلك انت اللى هتحدد مستقبلك بنفسك فياريت تنسى للحظة صحابك وتفكر فى اختيارك شوية

مفيش حاجة اسمها القسم ده ليه شغل ولا لأ لانك ممكن تطلع من قسم CS وتكون فاهم كويس وقشطة و تعمل app ويتطلب منك انك تربطه بالسيرفر الحل ده بقى مالوش علاقة بال CS لأنك هتشتغل بال SQL مثلا علشان تربطه وده شغل بال IS معظم الاقسام بيكون داخلة مع بعض يعنى انت كده ولا كده هتاخد من الاقسام التانية برده وهتتعلم

ولو ضاق بيك الحال ومعرفتش تشتغل بالقسم وده استحالة يعنى ممكن بقى ساعتها لو قدامك شغلانة محددة ممكن تتعلم الحاجات اللى انت هتحتاجها فى الشغلانة دى 

وساعتها التعليم بالنسبة لك مش هيكون صعب اوى

لانك فى الكلية متعلم اساسياتها وكمان عندك تقنية البحث المتميز والتعليم الذاتى اللى انت المفروض بتكستبها فى سنين الكلية اللى هى عن طريق انك بتفضل تبحث كتير عن الحاجات الى انت بتحتاجها وبتوصل للى انت عاوزه فى اقل وقت ممكن

بالتوفيق ان شاء الله 

انا ناوى CS

المدونة
http://cs-in-eg.blogspot.com/

مواقع التدريب ( برمجة ) اون لاين

سماعيل : سامو عليكو يا ميدو ايه اخبارك ؟

انا: الحمد لله تمام انت ايه اخبارك ؟

سماعيل : اهو الحمد لله بس طالع عينى فى البرمجة وحاسس انى مش بأدى كويس  وقولت اقعد معاك شوية يمكن نستفيد منك باى حاجة

انا : ليه ياعم ده حتى البرمجة دى لوز اللوز

سماعيل :بالنسبة لك مش بالنسبة لى  

انا: ليه ياعم مانت ممكن تبقى احسن منى 100 مرة بس تعمل اللى هقولك عليه و تفكيرك هيعلى مش بس فى البرمجة بس  لعل يجى بنفع وتفهم بقى بدل مانت مطلع عينى وكل شوية تجى تضيعلى وقتى كده

سماعيل : قول علي الطريقة دى اللى يخليك وانا مش هجيليك كتير .

انا : هو انت علشان تبقى لعيب بلاستيشن زى دلوقتى كده وبتقطعنى كل شوية عملت ايه من ساعات ما كنت بتمسك الدراع بالمشلقب

سماعيل : يااه فكرتنى بايام لما كنت بتغلب ب 9 ايام الله لا يعودها  بعد ما كنت بتغلب من هنا سكت لأ ده انا كنت بطبق على البلاستشين وافضل العب مع الجهاز وكل شوية اعلى الصعوبة بتاعته لغاية لما كنت بغلبه بالخمسة فى pro mode .

انا : اهو انت كنت بتتبع الطريقة دى وجبت نتيجة صح ؟.؟

سماعيل : ايوا ياض مش فاكر اخر ماتش  12

انا :  خلاص ياعم عرفنا انك لعيب فانت كده هتتبع نفس الطريقة دى بس فى اللعب على الجهاز والكومبيلر we online كمان

سماعيل : ازاى ؟؟

انا : انا هديك شوية مواقع تفضل تدرب عليها وعلى المسائل اللى فيها اللى خى بتتدرج فى الصعوبة من A ودى بمثابة حاجة اعلى من beginner كده بشوية وبعديها B -> C -> D -> E وال E دى بقى حاجة كده زى المحترفين وبتحتاج تدريب جدا علشان تعرف توصل لتفكيرها بس كل ده مع الوقت وكتر التدريب هتوصله ان شاء الله

codeforces.com
www.spoj.com
uva.onlinejudge.org
https://icpcarchive.ecs.baylor.edu/
وفيه بقى الكبير كبير اوى
www.topcoder.com
وده بيكون مختلف عن اللى فوق شوية وهبقى انزل طريقة لتسجيل اول لنا افضى ان شاء الله بس كان فيه واحد من اصحابى على الفيس كان مدينى الفديو ده علشان مكنتيش عارف اشتغل على المواقع دى ازاى فاتفرج عليه وقولى لو احتجت حاجة يا اسماعيل
www.youtube.com/watch?v=mgxNxVjF0w8

سماعيل: طب ازاى اعرف انى وصلت لمكانة كويسة فى البرمجة وكده

انا : سؤال ذكى من شاب غبى زيك دى بقى انا هقولك عليها المرة اللى جاية  علشان انا مش فاضى والله  عندى كويز simulation بكرة ومعرفش اى حاجة فى المادة

سماعيل : طيب خلاص اسبيك بقى وهعمل اللى انت قولتى عليه وشكرا على وقتك

انا :العفو ياسماعيل  ابقى تعالى كل يوم
___________________________

نظرة الغرب !! هدفنا السنة دى :)

فيه ناس بيبصوا لينا على اننا مش متحضرين ومش هنقدر نواكبهم فى التقدم وده ناس من الغرب بيبصوا للعرب او بالاخص للمسلمين

انا كنت بسأل سؤال عادى ازاى اقدر اوصل انى اكون red من topcoders  فضل يحبط فيا ويقولى مش هتقدر خالص ومش عارف ايه وانت مش هتعرف وايه وبتاع وقعد يقولى عمرك ما هتوصل وبعد كده  بعد كام كومنت كده واحد مصرى رد وقاله على اسباب ضعفنا فى البرمجة و كان هو الكومنت اللى بعديه انه ورد بسيط هما كانوا اربع اسباب كانو من احد التوب كودر المصريين
هو كان رده

5 - islam

يعنى كان الاسلام من اسباب تخلفنا ميعرفش اننا هنا مسلمين ومسحيين مع بعض عادى وجاب السبب فى الاسلام مع ان الاسلام لا يجعلنا اغبياء بل يطلب مننا طلب العلم ولو فى الصين ومن المهد الى اللحد لدرجة ان فيه ناس لحد دلوقتى بيفكروا فينا كأننا عايشين فى خيم وراكبين جمال والجو ده لأن الاثر الوحيد اللى يعرفوه عن مصر هو الاهرمات و كل الصور اللى بتنزل عن الاهرامات بتبين ان كل اللى حواليه صحرا

اينعم هو اخد negative vote  للكومنت بتاعه ده بس هو اصلا كان بيقارن ان مفيش عندنا توب كودر فى الاحمر الا قلة قليلة جدا ممكن 2 باين بس او 3 مش كتير وعند اى بلد تانى بيكون عدد كويس

انا بعد الكومنت ده اتضايقت اوى انه بيتكلم كده وغير كده كمان جاب سيرة اننا سنة علشان كده اغبية ماهو فى ايران شيعة ومش زيكم بيقولنا كده اغبياء

كل همى دلوقتى اننا ننشر يعنى ايه برمجة ونعرف الناس ليها ونحاول نحبب ناس كتير قبل ما يدخلوا الكلية علشان يدوسوا فى المسابقات العالمية زى ACM  هتكلم عنها بالتفصيل بعد كده

انا عن نفسى كانت معرفتى بالبرمجة فى تالتة اعدادى اتعلمت ازاى اعمل الة حاسبة بس كنت حافظ الكود وكنت بغير عليه مش اكتر و كنت اعرفها طشاش مكنتش اعرف يعنى ايه برمجة اصلا الابلة اللى كانت بتدينا كل لما ندخل الفصل كنا يدوب ندخل نعلب كوتشينا وكده

وطول  3 سنين ثانوى وانا ولا اعرف حاجة عن البرمجة ولا هى ايه ولا اى حاجة لغاية لما الكلية جاتلى انا الحمد لله الكلية جاتلى وانا بحبها قبل ماعرفها وكمان التنسيق لان لو التنسيق بتاعى كان جايب هندسة اهلى اكيد كانوا هيفضلوا هندسة علشان اسم مهندس وكده وكمان اخويا كان بيقولى ادخل هندسة قسم حاسبات بس الحمد لله حصل اللى حصل وكان احسن شئ حصل بالنسبة ليا

عرفت البرمجة فى اول سنة بس مش اد كده كان المفروض ادوس فى الاجازة بس كسلت شوية واشتغلت شوية والجو ده لحد لما دخلت تانية والحمد لله اتعمقت اكتر فى البرمجة واخدت كورسات تبع الترم فى الكلية فهمتنى كويس ده غير النت طبعا اى حاجة برجع ليها والحمد لله دوست مع نفسى فى الاجازة دى وبقيت  الى حد ما كويس بس انا اعرف ان فيه ناس كتير اعلى منى بس انا برده اعلى من ناس كتير علشان اشتغلت على نفسى شوية قليلين بس لو اشتغلت اكتر كنت بقيت احسن بس اهو بقى اللى حصل 

دلوقتى اول مرة اتمنى انى اطلع مدرس بجد زى ما كانوا بيقولوا علينا مع انها مش شغلتنا ولا عمرها بقت ولا هتبقى شغلتنا بس انا نفسى اعرف الناس بالبرمجة نفسى انشرها بجد واعلم طلبة من اعدادى يحبوا البرمجة ويقدروا ينافسوا مع الاجانب لان بره تلاقى الواحد عنده 15 سنة وعارف برمجة اكتر من بعض بتوع الكلية عندنا اقسم بالله  وفيه سن اصغر من كده اكيد وعارفين والناس لما بتلاقى ده كده بتساعدهم مش عندنا يفضلوا يديلوا فى دروس عند مدرس المدرسة علشان ينجح فى المادة ومبيقدروش قيمة الواحد انا لو اعرف البرمجة من قبل كده انا متأكد انى اكيد هكون احسن من دلوقتى وكان هيكون عندى معرفة اكتر من اللى انا فيها دلوقتى يعنى كده لو كنت اعرفها من 2 اعدادى تصور كده 

كان هيكون عندى معرفة 5 سنين وبحث على النت وناس توجهنى كنت على موصل الكلية كنت هقدر اشارك فى world final 

لاننا عندنا ناس متعرفش البرمجة غير فى الكلية وبتطلع ما بالك بقى لو تعرف 5 سنين معرفة زيادة 

بيقولك اعلى رقم اتحل فى world final من تيم كان من مصر كان 3 مسائل من اصل كام بقى هما بيقوا حوال من 8 ل 12 مسئلة فى 5 ساعات 

بس ان شاء الله هنقدم اللى فيه الخير الاجازة دى كنا شغالين فى حملة #انا_فى_حاسباات اينعم الايفنت القديم  بعد ما عدى  5.5 الف اتسرق من صفحة geeks بس احنا كملنا فى الايفنت التانى ولسة مكملين اننا نوصل لاكبر عدد نعرفهم على حاسبات هتنشتغل طول السنة ان شاء الله بالتعريف بحاسبات وهنركز على البرمجة وده من ضمن اهداف الصفحة ان شاء الله 

كل اللى عايزينه من اللى بيقرأ لوقتى انه يساعدنا 

يساعدنا ازاى ؟؟

لو يعرف حد فى ثانوى او اعدداى وبيحيب الرياضة يوجهه للصفحة بتاعتنا ويخليه يتابعنا
يعرفه يعنى ايه برمجة لو هو ميعرفش يتابع معانا وهنوصلها بابسط الصور
 يحاول يعلمه شوية يبقى كتر خيره طول مانت قاعد مع ناس اصغر منك اتكلم عن كليتك بكل خير مش تركز على السلببيات وتقولهم عليها تكرهم فيها
قولهم على امثلة عمرو سمير واحمد على وزيهم من الناس الناجحين خريجين كليتنا

تنشر المدونة دى اكتر لعلها توصل لناس اكتر و ناس تساعدنا اكتر

كنت بفكر السنة اللى جاية ان شاء الله اننا ننظم ايفنت على ارض الواقع وننزل فى كل المحافظات او الادمنز اللى عندنا تعمل كده  ان شاء الله هنحاول نكون التيم فى خلال السنة دى علشان نقدر نعمل حاجة فعلا على ارض الواقع او ممكن ننزل مدراس مثلا وكده كلها هتكون جهود ذاتيه ان شاء الله وياريت لو اى حد متطوع يقدر ينزل معنا وكده يكلمنى هنحاول نعمل التيم من الكلية القريبة يعنى مثلا تيم من القاهرة ينزل اقرب المدارس ليه والجيزة و بالنسبة للمحافظات اللى مفهاش كلية حاسبات يبقى من الطلبة اللى من المحافظة بس فى كلية حاسبات يعنى مثلا من الاسكندرية ممكن نعمل تيم من الناس اللى من اسكندرية بس فى كلية حاسبات اياُ كانت هى تبع جامعة ايه
بس يكون متقائل وحابب الكلية بعيدا عن العك اللى بيحصل فى معظم الجامعات مش كلية حاسبات بس

احنا ان شاء الله برده هنعمل دورة بسيطة لللى لسة داخلين هتلاقيها فى البوست المثبت فى الجروب ده
https://www.facebook.com/groups/1446371655635030/

الصفحة
https://www.facebook.com/7ASBET

الايفنت الجديد بتاعنا اللى شغاللين عليه 

https://www.facebook.com/events/330439047114035/

الاكونت الشخصى
https://www.facebook.com/m.abdelsattar0

حاسبات !! نظام اول شهرين !! الجزء التانى

حاسبات !! نظام اول شهرين !! الجزء الاول من هنا
http://cs-in-eg.blogspot.com/2014/08/blog-post.html

بالنسبة بقى للدراسة فى الكلية الطلاب فى اول شهرين هيعانوا من حيث اللغة 

يعنى مثلا بتوع المدارس الخاصة واللغات بيبقوا متعودين على الانجيلزى فى الشرح فلو شرح بالعربى ساعات مش بيفهموا 

بتوع الحكومة ودول مفيش اكتر منهم الدكتور بيتكلم انجيلزى فساعات دول برده مش بيفهموا 

دول يقولوا للدكتور اتكلم عربى و دول يقولوا اتكلم انجيلزى وفى الاخر الدكتور بيتكلم على مزاجه المهم متقلقش من الحتة دى لانها بتزول مع اول شهرين وانتوا الاتنين بتتعودا على كلام الدكتور سواء انجيلزى او عربى وغالبا الشرح هيبقى بالعربى بس الكورسات كلها او المواد بتكون انجليزى 

بالنسبة للمذاكرة 

يعنى انت لما تذاكر فى البيت كل الحاجات اللى هتذاكرها انجيلزى والكتب انجيلزى لان المجال بتاعنا عالمى والكتب اللى بندرس فيها بتتدرس فى اكبر الجامعات الامريكية وكده فمينفعش ندرسها عربى لان الانجيلزى هو لغة العلم الفترة دى 

اها وكمان نسيت اقولك ان معظم المذاكرة بتاعتك هتبقى Soft يعنى كله على الاب او الجهاز مش Hard يعنى مش هتجيب حاجة تلمسها بايديك 

الكلية قايمة على التعليم الذاتى يعنى انت تعلم نفسك نفسك يعنى لو حضرت محاضرة ومفمهتش من الدكتور ده مش حل انك تفضل مش عارف كده انت تعمل سيرش على اللى مش عارفه هتلاقى محتوى كتير بالانجليزى فى المجال ده اما المحتوى العربى فمحدود شوية 

بالنسبة للمحاضرات انا مش هقولك احضر كل المحاضرات لانك ممكن تحضر محاضرة ومتستفديش منها يعنى الدكتور بيشرح وحش انت بتنام فى المحاضرة انت مش بتركز معاه وتقعد تهزر مع اصحابك وكده 

انا هقولك احضر المحاضرات اللى انت شايف انها بتفيدك لو حتى معلومة واحدة صدقنى اقسم بالله لو فهمت من المحاضرات المذاكرة بتاعتك هتبقى سهلة جدا واحتمال تعدى حاجات كتير جدا انت عارفها وكمان هتزود وقتك 

على رأى واحد صاحبى فى الكلية من TOP 50
" انا كده طالما جيت الكلية فيه 8 ساعات بيضعوا فانا ياما اضيعهم فى المحاضرات احسنلى ياما اضيعهم خالص " 

بالنسبة بقى للسكاشين 

فى الساعات المتعمدة بيبقى لازم على الاقل تحضر 75 % من السكاشين وساعات الدكاترة بترخم وبترغمك انك تحضر المحاضرات كمان علشان ممكت تغيبك 

فيه ناس كتير عندنا فى اول ترم كانوا فاكرين انهم بيخوفونا علشان نحضر وكده وكان بقى معدين عدد مرات الغياب واحنا عندنا ياما 3 ل 4 سكاشين وبيقولك عندنا على الموقع

 بقى كل اللى حصل انهم راحوا يحضروا الامتحان ملقوش اسمهم وميقدروش يعملوا حاجة وشالوا المادة 

بالنسبة بقى للاب 

لو انت مغترب  (يعنى عايش فى المدينة مش عايش مع اهللك ) هتحتاج لاب توب لانك هتذاكر عليه وهتطبق عليه  كل حاجة وغالبا لو المدينة بتاعتك مفهاش واى فاى لازم تجيب USB Modem علشان تشتغل على النت وغالبا مش هتحتاجها كتير فى الاول يعنى اول ترم مثلا 

لو انت بقى مش مغترب وبتروح كل يوم بيتك انت تحمد ربنا ياعم كفاية انك عايش مع اهلك عايز ايه تانى :D

المهم لو انت عندك كومبيوتر فى البيت مش هتحتاج تجيب لاب فى اول سنتين لان استعمالك للاب هيكون بيهلكوا على الفاضى ومش هتستخدموا كتير لان الكومبيوتر هيأدى نفس الغرض 

احنا عندنا فى حاسبات القاهرة معامل مجهزة فانا بتكلم من هذا المنطلق اننا بنستخدم الاجهزة بتاعت الكلية انت المهم متشيرش الاب الا لما تسأل حد عندك فى كليتك علشان تعرف ايه الدنيا برده وايه نظام الدكتور كذا وكذا 

بالنسبة بقى للمفاهيم 

استاذ او ابلة يعنى دكتور 

مادة تعتبر كورس  او درس بره يعتبر كورس برده 

حصة كبيرة يعنى كل الدفعة يعنى محاضرة 

حصة صغيرة يعنى عدد اقل ببقى سكيشين 

ساقط يعنى مدبلر 

لو الجرس ضرب ده مش معناه ان الحصة خلصت لأ ده معناه انك تجرى لان فيه حريقة =D 

اى استفسار او اى حاجة ده لينك الاكونت بتاعى 

https://www.facebook.com/m.abdelsattar0

وده لينك صفحة ممكن تفيدكم فى اى حاجة 

https://www.facebook.com/m.abdelsattar0

وده لينك جروب ممكن تسأل عليه على اى حاجة تخص المجال 

https://www.facebook.com/groups/1446371655635030/?

حاسبات !! نظام اول شهرين !!

ها خلاص الحمد لله دخلت حاسبات والدنيا زى الفل معاك طب ايه نظانها بقى !! 

انا هقولك على الحاجات المشهورة اللى قابلتنى فى اول شهرين كده واللى بتقابل معظم الناس

اولا لو انت رايح الجامعة قريبة من بيتك اكيد هتلاقى من منطقتك فى الحامعة ممكن تتعرف عليهم علشان تروح معاهم وكده 

لو برده من مدرسة قريبة من الجامعة نفس النظام احتمال كبير هتلاقى برده ناس من المدرسة معاك وانت ممكن تعرف برده عن طريق موقع الاستاذ

اما بقى لو اقاليم ورايح محافظة تانية اقربهم من المدينة بتاعتك برده احتمال كبير تلاقى ناس جايين من المحافظة بتاعتك بس مش كتير 

ده بالنسبة للناس انا عن نفسى علشان كنت رايح من شمال سينا ف الترم الاول كل اللى كنت اعرفه الجروب بتاعى وكل بتوع المدينة ومع الترم التانى بقى بدأت اعرف ناس كتير الحلو منهم والوحش 

بالنسبة بقى للولاد اللى فاكرين انهم هوبا بقى خلاص دخلوا الجامعة وهيرحوا يظبطوا بنات

الكلام ده يا حبيبى مش فى حاسبات ده فى اداب او تجارة ممكن تروح هناك تدور لكن حاسبات لو تعرف واحدة هتكلمك قبل نص الليل تقولك ممكن تشوفلى BUG هنا فى الكود ده علشان اقدر اسلم قبل الديدلاين وكمان مفيش وقت للحب احنا مش فاضين فيه ورانا ديدلاين بتضيع فمتفكرش فى الكلام ده 

وافتكر ان لسة قدامك 4 سنين ويا عالم 3 سنين جيش ولا 3 سنين جيش فياريت اتقى ربنا قبل ماتدخل واعمل حساب كل حاجة يعنى مش تعلق حد وتوعده بحاجة وتخلف انت كده متبقاش راجل مش مهم لو انت عندك الشقة جاهزة الشغلانة لسة مش جاهزة لو انت بقى جاهز من كله يبقى توكل على الله واطلب رقم الحاج علشان تقابله 

المهم بقى فى اول الكلية كده احتمال كبير هتلاقى الاكبر منك بتوع تالتة ورابعة غالبا بيقولوا عليكم العيال الجديدة عديها كلها فتر وهتعدى 

المهم بقى بالنسبة للناس اللى هتدخل جامعة القاهرة لو انت هتاخد اى مواصلة من المترو سواء الدقى او جامعة القاهرة لو قولتوا كلية حاسبات هيقولك فين دى وميعرفهاش فقوله المعهد 

واظن ان ده السبب فى تسميتنا بمعهد مش كلية لاننا مكنش لينا مكان فى الجامعة والمكان الوحيد اللى كان ممكن ناخده هو من معهد الدراسات الاحصائية هو معهد واحنا كلية بس فى نفس المكان هو موجود من زمان جدا واول كومبيوتر جه فى مصر جه فى المكان ده 

الناس اللى هتقابلها احتمال كبير هتلاقى ناس من الدفعات السابقة فى كل المواد معاكم اها عادى جدا دول بقى مالكش دعوة بيهم يدوب بس تعرفهم كده وخلاص لو هتعرفهم اصلا علشان لو مشيت معاهم هتحس ان كل المواد اللى عندك صعبة ومش هتقدر تعدى فيها و بأقل مجهود ممكن تعدى فيها بس تفهم الدنيا 

الناس اللى هتلاقيهم راشيقن عند الكافتريا دول مش الضايعين ولا حاجة دول بس نزلوا ياخدوا نفسهم من كمية المحاضرات والدكاترة اللى بياخدوها براحتك يعنى ممكن تعمل زيهم ولا لأ 

نت الكلية ساعات كبيرة مش زى مانت متصور يعنى احنا فى القاهرة الحمد لله الطالب بيكون لية 200 ميجا فى اليوم والتحميل بيوصل  لللللللللللللللللللللللللللللللللللللللل 36 كيلو بايت فى الثانية و لو معاك اكونت معيد بتحمل من 1 ميجا وانت طالع 

الناس الكبيرة اللى هتسألك انت دخلت ايه يا حبيبى ؟ 

لو قولتوا دخلت حاسبات

 قالك ليه يابنى دخلت المعهد ده اما مجموعك كبير او قالك مدخلتش اى كلية تانية وغالبا  (تجارة او تربية ) دول بقى الرد الوحيد عليهم لما يسألك قولوا Computer Science 

هو هو نفس الراجل هيقولك ربنا يكرمك يابنى كلية ليها مستقبل 

الجزء التانى من هنا
http://cs-in-eg.blogspot.com/2014/08/blog-post_2.html

بتشتغل بلغة برمجة ايا كانت ؟؟ تعرفها كويس !! متأكد !!

اشتغلت بلغة برمجة قبل كده ؟ 

انت لو فى سنة اكبر من سنة اولى فى اى كلية حاسبات اكيد يعنى اشتغلت انما بقى لو فى اى كلية تانية واشتغلت فى البرمجة على طول عادى المهم تكون انت مشيت شوية فى البرمجة وحاسس نفسك انك تمام فى اللغة دى او مش تمام اوى 

المهم بقى مش انت اللى تحكم على نفسك !! اكيد طبعا هو انا لو شخصيتى ضعيفة و حد قالى شخصيتك عاملة ايه مش هقوله ضعيفة طبعا !!! 

طب انت فاكر نفسك انك كويس فى البرمجة ماشى تمام انا معاك ياعم انك كويس بس فى مهارات عايز تنميها وعايز تعرف اكتر عن اللغة اللى انت شغال بيها تفتكر هتعمل ايه ؟؟

اول اتجاه انك هتقرأ عن اللغة اكتر اها تمام 

تسمع فديوهات اكتر تمام 

او تحل مسائل اكتر مع السيرش المستمر 

ازاى تحل مسائل يعنى مش فاهمك 

-انا اقولك ازاى ياجدع فيه مواقع كتير اسمها online judges programming  وانا هابقى اقولك عليهم تحت شوية المهم

 المواقع دى بيكون عليه مسائل كتير اوى وبيتدرج صعوبتها من A مثلا فى بعض المواقع لحد B - C -D -E-F 

او من level 1 لحد 6 مثلا اسهل واحدة بتكون اقلههم زى 1 او A 

انت كل اللى عليك بقى تدخل على اى موقع من المواقع دى وتبدأ تحل عليها من اول حاجة وتبدأ في المواقع دى بس فيه حاجة مهمة مش كل مسألة هتحلها عندك الموقع هيقولك عليها انها صح لان فى حاجات اسمها test cases   كده الموقع بيحطها علشان يحاول يوقع الكود بتاعك وفيه برده بعض الحاجات التانية اللى الكود بتاعك ممكن يقع فيه هبقى اتكلم عليها بعدين 

المواقع دى لو دوست فيها شوية هتعملك شوية الحاجات دى 

- ازاى تقدر تحول المسألة من كلام لافكار و تحدد هى عاوزة ايه بالظبط ودى يعنى لو فيه مشكلة كبيرة فى اى حاجة بعد  كده فى الحياة هتلاقى نفسك بتعاملها بنفس الطريقة

- ازاى تقدر تحول المسألة الكييرة اللى متتحلش دى لعدة مسائل صغيرة سهلة الحل 

- ازاى تقدر تحول الافكار دى لكود 

- ازاى تبص لبعيد من ناحية ايه اللى ممكن يوقع كودك وايه اللى يخليه يعدى التيم اللى هو محددوهولك 

- ازاى تبص على الكود بتاعك من اول وجديد وتشوف هو وقع فيه بمعنى تانى بتعلمك debugging

- بيبقى ليك طريقة كتابة كود معينة هتمشى بيها على طول 

-لو معرفتيش الحل بتاع المسألة فتبص على حلول اخرى فبتديلك ميزة مع الوقت ان لو اى كود وقف قدامك تقدر تفهمه 

من الحاجات المهمة بقى انك لازم تفهم نفسك انك متعرفش كل حاجة عن اى حاجة فى حاجات لسة متعرفهاش 

يعنى انت لو معرفتيش تحل المسألة دى متطلبش المساعدة على طول زى مانا كنت بعمل اول لما بدأت احل اقعد فى المسألة ساعتين زمن معرفش احلها فبسأل على طول وده كان غلط اصلا 

اومال ايه الصح ياعمونا 

مش فى حاجة اسمها جوجل صديق الفلاح يعنى انت جاتلك فكرة ومش عارف تطبقها ازاى وحاول بأكواد كتير برده مش نافع تدور على النت احتمال كبير تلاقى فانكشين بتعمل كده او هتلاقى على موقع زى  stackoverflow.com مثلا احتمال تلاقى واحد سأل نفس السؤال اللى فى دماغك وواحد رد عليه وعرفه الطريقة 

لسة مش لاقيه بعد 5 أيام سيرش على النت انت بتفتكر ان ال 5 ايام دول ضاعوا لأ بالعكس دول اكثر حاجة انت استفدتهم على فكرة 

- ازاى :\ 

انت لما بتدور عمرك عديت على الموقع ده قبل كده ؟؟ طب وانت بتدور على فانكشين معينة مش عرفت  Functions  تانية اينعم مش هى اللى انت عاوزها بس عرفتهم على الاقل !! وانت بتدور على حاجة برده قابلتك مكتبة فيها شوية حاجات لوز لوز هتسهل عليك الدنيا قدام 

صدقنى بعد اقل من 6 شهور هتلاقيك عارف كمية معلومات رهيبة + كمية مواقع بتستفاد منها زى الفل 

اها صح نسيت اقولك بعد كل ده وبرده ملقتيش اللى بتدور عليه تعمل ايه ؟؟

هتضطر بقى تسأل اى حد يدلك على الحاجة دى وقوله مثلا للمسألة دى هو ممكن يكون حلها قبل كده او لأ 

فى كلتا الحالتين لو هو عايز يفيدك هيديك Hint  بس مش اكتر علشان تشغل دماغك اكتر و خليك عارف طول مانت بتشغل دماغك علشان التفكير انت كده الكسبان ;) 

اها ص نسيت اقولك على حاجة انت كل لما تفكر اكتر دماغك بستهلك اكتر فبتجوع اكتر فبتاكل اكتر فبتتخن اكتر بس انا عندى مناعة مبتخنش سبحان الله متبصوش عليا المهم خلي طبق اكل كده اتسلى فيه وانت قاعد 

مواقع علشان تتدرب عليهم متدرجين على حسب ما اكتر مواقع شغال عليهم وفيه حاجات مش شغال عليها يعنى عادى 

1- codeforces.com/    من المواقع اللى بيكون عليه ( كونتسات )

وده لينك لفديو كنت عامله علشان ازاى تتعامل معاه  http://www.youtube.com/watch?v=mgxNxVjF0w8

2- www.topcoder.com بيحتاج حاجة اسمها الا رينا علشان تحل من عليها / بيكون عليه كونتسات برده

  

2.1 - http://a2oj.com   موقع البشمهندس احمد على خريج حاسبات القاهرة موظف بشركة جوجل 

3- www.spoj.com/

4-uva.onlinejudge.org/

5-https://icpcarchive.ecs.baylor.edu/

6-www.urionlinejudge.edu.br/

7-acm.uva.es/

8-poj.org/

اكيد فى مواقع تانية برده بس دول اهو عملت سيرش وجبت زيادة على اللى اعرفه ^^ 

بالتوفيق ان شاء الله 

لو احتجت اى حاجة فى اى وقت اكونت الفيس اهو

 https://www.facebook.com/m.abdelsattar0 

 

ناوى تدخل حاسبات لازم يكون عندك دول !!

 قعدت مع نفسك 3 4 ايام كده بتفكر هتدخل ايه ؟ 

ها اخيرا نويت على حاسبات وقررت تغامر وتدخلها !! 

طب خلاص انا نسقت وقررت خلاص ادخل حاسبات !! 

التنسيق جابنى حاسبات والحمد لله خلاص تمام !! 

قبل ما تجاوب على الاسئلة دى لازم تكون عارف انت هتحتاج تعمل ايه فى الكلية دى 

- اول حاجة انك يكون ليك حب للرياضة ولو بسيط يعنى وتحب المعادلات شوية

- تحب تحل و تشغل دماغك على طول

- يكون عندك حب اطلاع على الحاجات الجديدة و بتحب تبحث كتير لاننا كلية قايمة على البحث  والتعليم المستمر والتعليم لا يتوقف     على الخروج من الكلية بس وايضا فى العمل لتعرف احدث الوسائل لتحسين طريقة عملك وكل شئ

- يكون عندك العزيمة الكافية انك لما تبدأ فى حاجة تقدر تكلمها للاخر 

- تحب مجال الكومبيوتر وتحب تتعلم على طول 

- تعرف تتعامل مع الكومبيوتر التعامل العادى وطالما انت جبت الصفحة دى لوحدك يبقى انت كده بتعرف تتعامل معاه عادى كأى مستخدم 

الحاجات اللى مش لازم تعرفها قبل ما تدخل الكلية 

- مش محتاج يكون عندك خلفية بالبرمجة انا دخلتها ومعرفش يعنى ايه برمجة اصلا 

-  مش لازم تكون عارف تسطب ويندوز ولا اى حاجة بس الكلية مش هتعلمك على فكرة لاننا بنعلمك حاجات اكتر من مجرد انك تسطب ويندوز الحاجات التافهة دى بتتعلمها مع نفسك او من صحابك وكده 

ميزة المجال بتاعنا 

-انك تسطيع ان تنتقل بين المجالات المختلفة فى فترة بسيطة قد لا تتعدر ال3 شهور لانك بتتخرج من الكلية لديك اساسيات فى معظم المجالات فتستطيع بعد ذلك بسهولة التعلم اكتر فى المجال الاخر الذى لم تخصص فيه و مجالاتنا موجودة فى كل شركة فى كل مؤسسة فى كل مكان لكنهم يريدون المتميزون بمعنى اخر انه يكون محترف فيما يقوم به وليس اى شخص متخرج من الكلية يستطيع العمل بسهولة لانه فى مجالنا من هم ليس خريجى الكلية ومحترفين ولكننا لدينا الخبرة الاكاديمية التى يتعلموها و هم يشتغلون فى نفس الفترة نستطيع ان نتعلم ادوات جديدة .

خلاص انت مش عندك الحاجات دى ومش مهتم  بالحاسب ولا اى حاجة وداخل الكلية بسبب ابوك هيكون قدامك حلين 

اول حل 

انك تعرف فى الاول والاخير انه مش قرار ابوك وامك ده نصيب ومكتوب وتبدأ تطلع من المود ده اللى انت هتحط نفسك فيه وابويا بيمشى كلامه عليا والجو ده وتبدأ تبقى برنس فى الكلية 

التانى 

انك هتفضل تشتم فى الكلية وتسب وتقول اللى يخرب بيت اليوم الى دخلت فيه الكلية وتتعرف على ناس برده زيك كارهين فى الكلية وكلهم بيكونوا عندهم كراهية جدا للكلية بينقولها لبعضهم وكل واحد كرهه بيزيد واجتمال تقابل واحد او اتنين مدبلرين بقالهم كذا سنة يكرهوك اكتر وانت ساعتها بقى هتكره كل حاجة واولهم البرمجة ومش هتمشى بالكلية لان البرمجة هى اساس كل حاجة 

وعلشان كده انصحك تحول تجارة  ^^

شائعات حاسبات

السؤال الذى يدور ببال الكثيرين انا ليه ادخل حاسبات واتعلم ازاى اسطب ويندوز وافتح سايبر  وانا اقدر اتعلمه مع نفسى ادخل علوم احسن او تربية اطلع مدرس بدل مانا كده ولا كده لو طلعت من حاسبات اطلع مدرس حاسب الى اخدهام قاصرها احسن وادخل تربية وعلى الاقل اطلع مدرس عربى او اى حاجة تانية علشان ادى دروس
او ادخل تجارة واهو على الاقل اطلع محاسب فى بنك ولو حصل حاجة اشتغل كاشير وامرى لله :(

نا كتير بتفكر بالاسلوب ده وهى لسة متعرفش يعنى ايه حاسبات ولا بيدرسوا ايه فى حاسبات ولا حتى بيشتغلوا ايه كل اللى حصل انهم شافوا واحد فاشل طلع منها ومش فاهم حاجة كل اللى حصل انه فتح السايبر اللى على اول الشارع وانه بيسطبولهم ويندوز وبياخد 15 جنييييييييييييييييه على الويندوز الواحد واهو بيكسب كمان من الناس اللى بتلعب عنده

لكن ده كله عن جه عن طريق عدم التوعية بالكلية والشائعات المتدوالة من ناس متعرفش اصلا الكلية ولا ليها قريبها دخلوا الكلية كل اللى حصل ان الواد حبيشة دخل معهد حاسب الى ب 65% فكل علمهم بقى ان ده هو اللى بيعملوا لو طلع بس ميعرفوش عن حاجة اسمها كلية حاسبات ومعلومات لانها اصلا مش موجودة فى كل المحافظات هما يادوب حوالى 13 موجودين فى
جامعة القاهرة
جامعة حلوان
جامعة عين شمس
جامعة المنصورة
جامعة الاسماعيلية
جامعة المنوفية
جامعة بنها
جامعة المنيا
جامعة بنى سويف ( فاتحة من سنتين )
جامعة اسيوط
جامعة الشرقية

دول الجامعات الحكومية اللى موجودة فيها الكلية


وفى بعض الجامعات الخاصة اللى برده فيها حاسبات ومعلومات وقد تكون قريبة من حاسبات لانه مش بتطلب فلوس بس لأ بتطلب مجموع معين زى مثلا فى جامعات بتاخد من 90 % يعنى هما يعتبر اقرب ناس لحاسبات شوية 

بوست تعريف كده عن نفسى

                                  

انا محمد عبد الستار احمد من سينا تالتة حاسبات القاهرة
قسم علوم الحاسب CS
 احد مديرى صفحة حاسبات ومعلومات computer & information على الفيس بوك

https://www.facebook.com/7ASBET/

كل حياتى حاليا عبارة عن برمجة وفيس بوك و تقديم المساعدة لمن يطلبها بخصوص اى شئ عن حاسبات والكورسات الاون لاين وهكذا 

الاكونت الشخصى على فيس بوك 

https://www.facebook.com/m.abdelsattar0

twitter 

https://twitter.com/M0AbdElSattar

yahoo 

m.abdel_sattarahmed@yahoo.com

gmail 

m.abdelsattarahmed@gmail.com

ASK

http://ask.fm/midoabdelsattar

Codeforces
http://codeforces.com/profile/mabdelsattar

A2oj  mo23 Ahmed ALy
http://a2oj.com/Profile.jsp?Username=mido2050

Linked In
Linked In

اول بوست على البلوج بس كده

بسم الله الرَّحْمَنِ الرَّحِيمِ